Scelta Lingua



Menu di Navigazione

Ricerca

Ricerca rapida

ricerca avanzata


 Comunitât Culinâr dal Friûl > Comunitât Culinâr > Canìs comprensoriâl

Canìs comprensoriâl

La “Comunitât Culinâr dal Friûl” e gjestìs il funzionament de struture di proprietât clamade "Canìs Comprensoriâl”, Rivis Darcjan (UD), frazion Darcjan disore n. 12/3, localitât PRALONGHI, Vie CAMIN;

 

La struture dal canìs comprensoriâl e à come finalitât la custodie, il manteniment, la gjestion sanitarie e la assistence dal miedi veterinari dai cjans ricoverats e e sigure:

- ricovar e custodie dai cjans cjapâts o cjatâts il timp cal covente pe lôr restituzion ai proprietaris o al lôr afidament a cui cal domande;

- ricovar e custodie permanente dai cjans cuant che nol è pussibil afidâju a cui cal domande;

- assistence veterinarie;

- spazis idonis a garantî i moviments dai cjans;

- spazis idonis par l'isolament sanitari dai animâi;

- la promozion pe adozion di cjans culì ricoverâts, ancje par mieç de colaborazion des associazions;

- magazen di depuesit dai cuarps dai animâi cjapâts sù, in spiete dal smaltiment daûr de normative in vore.

 

Tal Canìs Comprensoriâl, par ce cal compet la sezion di acet dai cjans, a son ricoverâts e vuardiâts:

• i cjans cjapâts, parcè che cjatâts vagolâ cence la musarole di pueste, ancje in areis privadis cence sierai (art. 83 e 85, dal D.P.Rep. n. 320/54 “Regolament di Polizie Veterinarie”), tal teritori dai Comuns consorziâts/convenzionâts cun la Comunitât Culinâr, che e fâs par de A.S.S. n. 4 “Friûl di Mieç”, passâts il periodi di detenzion tal repart di contumacie dal canìs Aziendâl de A.S.S. n. 4 “Friûl di Mieç”, vie Lumignà, n. 337, Udin;

• i cjans, tignûts dai proprietaris residents tai Comuns, consorziâts/convenzionâts cu la Comunitât Culinâr dal Friûl (che a fâs part de A.S.S. n. 4 “Friûl di Mieç”), in condizions che a produsin disasi al animâl, o che no garantissin la sigurece e la igjiene publiche;

• i cjans, in câs di rinunzie permanente cun motivazion di puest di bande dai proprietaris o di cui che ju ten, residents tai Comuns consorziâts/convenzionâts cu la Comunitât Culinâr dal Friûl, che e fâs part de A.S.S. n. 4 “Friûl di Mieç”;

• i cjans di proprietât, pal pensionament daûr paiament, se e je disponibilitât di box;

 

La struture e je furnide di:

 

Palacine A

* locâl dal ufici veterinari cun dongje locâl infermarie;

* locâl de sale di spiete pal public;

* locâl dal camarin, cun doce e servizis igjienics;

* locâl dai imprescj, disinfetants e dispositîfs pe pulizie, disinfezion, disinfestazion e deratizzazion.

 

Palacine B

* locâl dal ufici personâl assegnât ae gjestion dal canìs;

* locâl de cusine, cun dongje locâl frigorifars;

* locâl dispense pal dipuesit di alimentârs diferents.

 

Sezion di Acet, cun n. 61 box (capacitât massime di cirche n. 100 cjans), dividûts in:

* Repart di Ricovar e Custodie = 46 box (L.R. 20/2012 art. 7)

* Repart di Pensionament = 13 box;

* Repart "infermarie" = 2 box.

 

L’ aree esterne a prât e je di cuasit 16.500 m2.

 

 

Daûr dal art. 7, come 7 de L.R. n. 20 dal 11 di Otubar 2012, al è stat afidât il servizi di responsabil sanitari di davuelzi te struture ae dot.esse KATIA BRUNELLO ZANITTI judade de Cliniche Veterinarie DOMUS VET di Maian (UD);

 

La gjestion dal cjanìs e je afidade a la Cooperative Sociâl LA SORGENTE;

 

Cun di plui culì de struture dal canìs comprensoriâl di Rivis Darcjan a son presints, daûr di convenzion, cualchi volontari de Associazion “AMICI DELLA TERRA – Onlus - Protezion Animâi e Ambient” ricognossude dal Ministeri dal Ambient seont la Leç n. 349/86, D. 20.02.1987.

 

 

DÂTS REALTÎFS AE GJESTION:

 

• Tal an 2012:

- rivâts n° 52 cjans

- adotâts n° 40 cjans

- tornâts n° 1 cjan

- muarts n° 3 cjans

 

• Tal an 2013:

- rivâtsi n° 54 cjans

- adotâts n° 34 cjans

- tornâts n° 1 cjan

- muarts n° 2 cjans

Tarifis prestazions canìs 2016

Allegato Descrizione

par viodi il Tarifari

Paiaments

I paiaments a pro de Comunitât Culinâr dal Friûl  a varan di sei fats nome par mieç di bonific bancari sul cont:

Istitût: Bancje di Credit Cooperatîf dal Friûl Centrâl  in A.T.I. cun la Casse Centrâl Bancje di Credit Cooperatîf dal Nord Est s.p.a.

IBAN: IT95S0359901800000000120414

indicant obbligatoriamente te causâl di paiament direzion e codiç fiscâl di cui cal domande il servizi

Riferiments

 

CANÌS COMPRENSORIÂL

Frazion Darcjan disore 12/3, localitât Pralonghi - Vie Camin

33030 - Rivis Darcjan (UD)

Telefon 0432/801288

Orari al public:

dal Lunis al Vinars des 2 daspò misdì a lis 4

e la sabide des 10 a misdì

 

Par vê plui informazions

Comunitât Culinâr dal Friûl

Aree Tecniche
Place Cjistiel 7    
33010 Colorêt di Montalban (UD)
Tel. 0432/889507   Fax 0432/889818
ambiente@collinare.regione.fvg.it