Scelta Lingua



Menu di Navigazione

Ricerca

Ricerca rapida

ricerca avanzata


 Comunitât Culinâr dal Friûl > Comunitât Culinâr > Macili consortîl

Macili consortîl

foto del macello consortile
Macili consortîl

Al è in vie di svilup il gri di garantî l’ativitât dal maçament dentri dal Distret Industriâl di Sant Denêl par otignî une buine cualitât dal prodot e un svilup economic sul teritori.

La struture, logade a Sant Denêl via Sotrive e di resint metude a gnûf, e da un servizi complet ai cetancj operadôrs de zone: sigurâ un regolâr davuelziment de coparie, tutelâ al miôr il bielstâ dai animai pronts al massacri, cun di plui la lavorazion e la produzion des cjars. Chest stabiliment, in plui che lis normâls ativitâts pal macili, al proviôt ae macelazion urgjente in câs di traumis o altris patologjiis.

Daspò il gjestôr al sigure il traspuart dai animai in vite e ancje il traspuart des cjars (a temperadure misurade) ae becjarie e/o al domicili. A son tacâts, che nol è tant, i lavôrs pe realizazion de stale di polse, sedi pai bovins che pai suins. La stale di polse dai animai e je stade volude dal servizi veterinari, ancjemò prime de autorizazion dal macili consortîl. Chescj intervents a son stâts metûts in vore dai tecnics de Comunitât Culinâr dal Friûl seont lis normis europeanis e ancje pe cressint domande di garanzie di cualitât di bande dai consumadôrs.

Il Consei di Aministrazion de Comunitât Culinâr dal Friûl al à cure e sensibilitât viers la tutele di chest impuartant servizi, pai privâts che pes aziendis tal setôr, in viste di un svilup de agriculture locâl e de valorizazion des produzions locâls.

I recapits dal gjestôr pes domandis di macelazion, di sezionament des mezanis e di trasformazion des cjars suinis a son: 333/4467583 o tel/fax. 0432 941377